豹龜唔識食糧

jackycklaw

我前幾日係魚街買左隻10cm豹
番到黎三日只係食左少量桑葉 唔識食糧
已經試過整碎D M糧擺入D桑到 係佢食左塊葉就算 完全唔理D 糧
想問仲有咩方法教佢食糧？

仲有除左M糧 其實豹龜應該食咩為主架？

hugo11

你隻豹仔咁唔識食嘅正常m糧好誘惑，好容易開口。
佢應該仲未適應地方，養龜唔洗太心急~
去買啲車前草之類~撈畀佢食(將菜整碎，糧浸軟)
同咪呢，唔好食太多m糧因為只會谷大隻龜唔夠靚~習慣主食草粉(姐z糧，養到佢肯齋食z糧就正!!

jackycklaw

車前草係邊到有得賣？

hugo11

去街市搵下，有啲賣花/草藥嗰啲就會有賣。
街市總有一間會有賣，不過就未必有貨~平時都係格中去買菜咁去撞下有冇咁樣

hugo11

你要做足功課喎!養陸最緊要係環境溫度keep得好，有足夠空間佢走動，唔好養太多~因為陸龜養落好大隻下。
陸龜係最冇鬼用，我覺得最細膽就係陸龜好容易受驚-_-!
你都做得好，慢慢佢就會好活躍~龜好餓得唔怕會餓得死佢。
我餵食都係格日餵。

jackycklaw

KEEP溫度同濕度都冇問題 日頭熱點KEEP到30度
係唔太清楚豹主食應該用咩炸 因為個個都唔同講法
所以想攪清楚

hugo11

主食z糧，習慣撈畀佢食(姐買到菜咁咪撈菜，m糧格下格下撈畀佢食就夠)我養法唔會谷大隻龜
當然宜家佢未開晒口就要餐餐有菜撈去吸引佢，食習慣左就慢慢肯食。
一日食一餐就夠，你隻龜有10cm底嘅話都唔算太細，到佢食慣左可以日日餵又得，格日餵又可以!不過唔好鐘意就日日唔鐘意就格幾日。。水兜都係每日清潔畀佢習慣飲多啲水。
我本身都有養豹仔，我啲豹越養越白(當然你唔洗照版煮碗~你參考下自己又研究下。

快快長大吧

食住油麥菜先啦

Justyno

請問 z糧 = zoomed?

hugo11

係吖，就係嗰隻草粒。
我指嘅菜唔係生菜，白菜呢啲高水分嘅菜(係嗰啲野葛菜，車前草之類~我好習慣餵車前草
油麥菜嗰啲佢真係唔開口太細隻攞黎引佢食嘢，之後就唔好餵最好。