係既, TOM主要係講 "度絕隆背", 好有參考價值.
只係我個人希望佢細化的, 找出真實的濕度數據來造福大家而已, 因為佢玩大量繁殖既, 每年應該至少有數十隻蘇出生, 大把條件, 可輕昜分十批做濕度實驗.
我重未實驗完呀嘛. 其實我唔係自己個人去做實驗, 而係我有好多親友, 見D龜咁得意, 自己就想養, 尤其我外母果D住老人屋既朋友, (老人屋唔係指養老院, 美國度哩D所謂老人屋, 係政府和私人商家合作起的樓, 裝修及管理靚似酒店, 但係受政府管制, 指定只能收比市面低八倍至十倍咁上下租金, 比D低收入又已退左休既人, 老人屋唔準養狗, 所以養小型龜就比較適合), 果D老人家冇野做, 想養龜來打發時間, 我就箱連器材, 一切用品, 食品包括噴霧機, 連龜, 全套免費送, 箱係我自制, 全部和我的箱同一格式同一設定, 有溫濕控全年自動, 所以我咪係濕控到做下手腳, 順便借用來做濕度實驗咯, 亞公亞婆佢地, 乜溫濕度同燈都唔需要知, 靜係每日喂食同打掃清洗就得啦.
歐陸已玩得七七八八啦, 能輕昜只喂M糧+自制草粉也完全平滑, 而且能控制好殼色.
上個月, 開始試養蘇, 目前有四隻兩個半月大既蘇, (係亞婆養, 唔係我屋企), 用與歐陸同一方法, 同一濕度, 溫度就白天28c, 加熱燈下30c, 冷區26c, 晚上25-26c, 食物纖維用比歐陸多一倍, 永不人工泡水, 不晒太陽, 睇下會養成點, 我有95%以上的信心, 能養成如TOM的那樣平滑. |
楼主
发表于 2013-10-5 14:06:20
