我的愛情鳥

科拿仔 · 发表于 2013-9-30 23:05:59

咁正？智商咪同貓差不多？咁最長壽命幾耐架？thx

chim · 发表于 2013-9-30 23:19:55

回復科拿仔的帖子

十幾歲, 我養的已是老雀...
佢幾醒架, 認得所有屋企人的腳步聲, 一出lift就聽到佢叫, 但其他人行過佢唔叫的, 聽到佢叫就知有家人就入屋....

黑森杕 · 发表于 2013-9-30 23:43:29

我屋企的愛情鳥都是認得腳步聲, 出 lift 未到門囗, 佢地會叫定你先

科拿仔 · 发表于 2013-10-1 14:13:01

咁正﹗會唔會好似貓貓咁一樣dad你，要你陪佢玩架？
同埋你係咪比佢自由周圍走？

黑森杕 · 发表于 2013-10-1 15:47:21

佢地好有性格架, 唔嗲架, 佢地黎我屋企時巳是成鳥, 唔易嗲人, 佢地最嗲的時侯是餵佢地食葵花瓜子, 佢地走埋黎食瓜子, 仲識用條 "利" 錫錫我的手指; 最搞笑是有一隻愛情鳥 (女仔) 企在我手板,我帶佢入房玩, 佢老公走埋入房大叫佢老婆, 佢老婆又應返佢, 跟住佢老公企在另一隻手的手指上
係呀, 我日日都比佢地自由周圍走, 等佢地開心下, 出黎玩得多, 佢地冇咁 "呆滯"及冇咁細膽架; 有次帶佢地落樓下公園仔晒太陽, 見冇人, 放佢地企在雀籠上面晒太陽, 佢地冇話周圍亂樸, 幾乖架, 下次冇人都可以放佢地出黎晒太陽

blackaneomefish · 发表于 2013-10-1 16:47:18

剪左翼嫁? 我有隻由b養大既桃面無剪到翼試過走左出街, 好在搵得番一叫佢就走番落黎跟我番屋企
而家無剪翼又敢拎出街既就只有超定雞尾, 成日痴住人趕都趕唔走

黑森杕 · 发表于 2013-10-1 18:27:40

是剪左翼架, 唔剪翼唔敢比佢地出黎玩架, 如果佢地飛左出街, 佢地唔識找食物會餓死, 到時就冇陰功喇; 好彩你隻桃面識番落黎跟你返屋企, 你隻桃面是什麼顏色呀? 我屋企有兩隻桃面, 佢地是綠色身粉紅色面你隻雞尾是否喜歡企你膊頭整理羽毛? 我隻雞尾好細膽, 帶佢去樓下公園晒太陽, 開門比佢出去, 佢唔肯出黎, 在屋企又是唔敢出籠玩, 要捉佢出黎, 佢出到黎又喜歡企我手臂或手指整理羽毛, 跟住又唔肯落地, 你隻雞尾是否這樣?

科拿仔 · 发表于 2013-10-1 23:45:14

真係好啦﹗知唔知邊度買最好？

黑森杕 · 发表于 2013-10-2 13:53:35

可以去灣仔大王東街果度買, 個事頭婆對養雀仔好有經驗, 你問她有關養雀既野, 她好樂意教人, 養雀既人好多都知呢個雀仔舖架, 我呢個星期要拎隻雞尾去事頭婆度杜蟲呀; 早排佢有愛情鳥 bb 賣, 去邊度雀店買雀都冇所謂架, 最緊要揀 d 健康, 冇眼屎, 鼻孔乾淨, 唔好揀 d 毛鬆的雀仔, 最好睇多幾檔; 如果師兄有養雀仔經驗, 不妨考慮去愛協領養隻雀仔返屋企丫, 等佢地可以有番個家, 唔使話太耐冇人領養佢地, 佢地會比愛協人道毀滅, 我隻雞尾都是最近在愛協領養返黎, 講起佢就陰功, d 職員話佢舊主人是位伯伯, 最近過了身, 伯伯臨終前將隻雞尾交托比他朋友照顧, 而佢朋友在伯伯死後, 拎佢去愛協, 話搞唔掂, 唔要佢, 職員話佢有壓力, 佢返黎時 d 毛好污糟, 佢條尾長得滯浸入水兜, 搞到條尾好污糟及開叉, 食物兜入面既瓜子有 d 仲發了"毛" , 等佢返黎一個禮拜, 上星期拎佢去事頭婆度搽殺蝨水, 事頭婆仲話佢好污糟, 問佢幾耐冇沖涼, 我話唔知呀, 我都是接手一個禮拜, 記得職員話佢有壓力, 唔敢幫佢沖涼, 怕佢樸籠整傷佢自己, 事頭婆檢查隻雞尾, 捉佢放入個袋度, 叫我返屋企用熱水洗返個籠, 同佢沖涼, 才拎佢返黎杜蟲, 返到屋企幫佢剪埋翼同尾, 呢兩日捉佢出籠比佢通屋行下, 等佢熟習環境, 如果師兄有養雀仔經驗, 不妨去領養隻雀仔丫, 雖然職員衰, 佢地既處事手法我有 d 唔認同, 但動物是無辜, 睇岩不妨領養佢地返去丫

winnie45 · 发表于 2014-3-27 14:18:27

男友養過一隻自來愛情鳥，養左10年，上年過左身...佢好百厭，好鍾意扮申利引人然後咬人手指

		自动登录	找回密码
密码			立即注册