開完會無聊, 又係我長篇大論既時候.
龜蟲分為兩種:
- Parasites 寄生蟲 (肉眼可見)
- Protozoa 原蟲 (要1000倍以上顯微鏡才可見) 如下...
寄生蟲 - 對龜沒有太大影響, 可以唔理, 除非大量爆寄生蟲, 連D屎都見到有好多寄生蟲, 這才要杜蟲, 千奇唔好用'掃蟲王'杜蟲, 因為佢仲用人類藥已禁既舊式杜蟲藥! 佢好毒! 請用其他牌子,或者用人類既杜蟲藥,世界衛生組織於10幾年前已經規範了新的杜蟲藥不傷身體, 藥房賣的都係新式杜蟲藥. 而動物仲未規範,小心,!
原蟲 - 無處不在, 在水中生長, 在菜中也有. 避無可避. 所有龜的腸內也有一定數量的原蟲. 但如果龜的腸內有足夠的益生菌, 就可以抵抗原蟲, 使得原蟲不會爆生. 但圈養的龜龜都會好緊張, 打交, 發脾氣, 恐懼, 又或者你餵太多菜,引致纖維唔夠,跟住有腸胃炎,益生菌數量開始大降,這時原蟲數量就會大升, 俗稱 '爆原蟲'. 原蟲會開始侵蝕腸道,發爛而死, 有些原蟲仲會經腸入血, 跟住跟血游入腎, 引致腎衰竭而死.
解決原蟲問題: 食Metronidazole, 或 睇醫生(1000蚊以上,包化驗大便). 圈養的龜龜, 如太多隻一起圈養, 半個月或一個月食少少M藥來減少原蟲數量. 最重要保持腸內益生菌, 食多D probiotics, & prebiotics, 食多D高纖維草, 食少D菜, 防止腸胃炎. 如可以的話, 食健康大龜的大便 - 保充腸道益生菌 |
发表于 2014-11-19 12:58:01
楼主