新人想養豹龜-求指教

W.H.S

配置物品如下:

飼養箱: ZOO MED TTH-1木製飼養箱 (36" × 12" × 24")
燈泡: ZOOMED FSC-1 暖胆組合孖裝 (Repti Basking Spot®曬太陽燈 -100W燈泡 and 5.0 UVB的小巧燈管) AND ZOO MED NR-60 RED™ 夜用紅燈胆 60W
固定燈具: ZOO MED LF-19迷你雙燈罩 2 X 14cm (允許一個太陽燈或100瓦PowerSun™UV燈和一個小夜加熱燈)
燈架: ZOO MED LF-21懸掛燈架 10-20加侖
監測器: ZOO MED TH-22溫濕度錶
造景/裝飾: 希瑾 PT2980黃金桶仙人掌 小號 (可不用)
飼料: ZOO MED ZM-133沙漠型草粒陸龜糧  (含有長莖纖維, 蒲公英，絲蘭及其他陸龜喜愛的植物)
保健藥物 : ZOO MED MO-8去蚤水, ZOO MED BB-55陸/箱龜專用鈣磚, ZOO MED WO-18消毒噴劑, ZOO MED TB-1墨魚骨
餵食工具: ZOO MED WFC-30爬蟲餵食及飲水盤套裝 x 2 (一個放食物, 一個放水比龜仔排毒)
底材: ZOO MED VS-10維他命沙-沙漠色

係飼養之前，自己已經做過少少research，亦都上網睇過唔同教學，但仍然有些問題，麻煩各位高手指教。

飼養箱最好可以通風，保溫。豹龜喜愛乾燥環境，所以保濕方面唔太需要。如果用木箱，通風看上去會比爬蟲套缸好；保溫既話，爬蟲套缸是否會更好？香港天氣比較潮濕，如果用木箱，可能會發霉，宜且木箱會比爬蟲套缸保濕，感覺唔適合豹龜，而且唔知道木箱會唔會易生蚤同瞞。如果用木箱飼養，木箱應該如保養，係唔係經常要用去蚤水同消毒噴劑清潔，一星期清潔一次是否足夠。各位高手又會否會建議我用木箱?

固定燈具和燈架是否需要購買兩組? 因為燈泡要有3種，定晚間可以換左太陽燈改用夜用紅燈胆嗎? 咁就唔需要兩組固定燈具和燈架; 唔知道這個個固定燈具可否同時用太陽燈和UVB的小巧燈管, 唔知道有冇師兄師姐用緊,可以比少少意見。

保健藥物: ZOO MED BB-55陸/箱龜專用鈣磚和ZOO MED TB-1墨魚骨那種會對龜仔較好，research話墨魚骨比較天然，間中(即係1個可以幾多次)可以投餵一片墨魚骨; 去蚤水消毒噴劑是否一定要購買?

餵食工具: 是否夠大給龜仔排毒?

底材: 用沙做底材既話，應該時隔多久才換一次?

想係打算飼養前計劃給龜龜最舒適的家，想養一隻或兩隻豹龜, (空間唔知道會唔會太細)，唔知道上面既配置有冇缺漏，麻煩各位俾少少意見

萬分感謝

Uncledash

-夏天可以唔駛買powersun住，燈膽建議你入定多set後備。尤其係夜膽。

-用木箱我覺得最大好處係唔駛另外買燈架同燈罩，冬天保溫好，暫時未見倒發霉。但我自己再有個後備燈罩，燈箱入面個座壞左都有得頂住先。又唔駛勁多電線周圍fing要自己慢慢綁。用木箱你可以慳曬上面講既燈架同燈罩。

-我自己個木箱就一枝uvb光管，一個uva，一個藍膽，中間一個uvb膽，共4樣野。

-你個箱都夠大，放d植物裝飾，叫做有d遮掩俾龜仔，佢地安全感大d。

-餵食盤果度，唔好買爬蟲細細隻高邊果種，果隻係要黎餵爬放蟲蟲用。買大少少，個邊要低，隻龜先食倒，反正個盤你預唔會長放。我買左好多隻zoomed盤，最後係用外賣膠盒個蓋黎餵，餵完就收。

-浸水盤唔買zoomed仲好，每日放兜暖水，高邊少少(方便自己運送免倒瀉)，放入箱浸，浸完就倒。我又係用返外賣膠盒個盒黎浸...touchwood隻龜有咩事要浸bac,retopboost用呢個好方便。

-另外買多個兜，矮身，放淺水，買zoomed就靚d，俾隻龜自己浸下腳用。我覺得你最好唔好買果個套裝，唔係太岩駛。

-我自己一星期用wipe out一次黎清木箱，底材同椰泥做底，樹皮做一半面，放係藍膽下，是為乾冷區。水苔做另一邊面，放係日膽下，水盤都係果邊，是為溫濕區，隻龜自己揀去邊。

iris007

ZOOMED 糧, 豹仔未必肯食, 餵M/S 糧易開口D, 墨魚骨唔係隻隻龜咬, 遲D睇情況先買.

濕度唔好太低, 要有50-60以上, 否則易脫水.

我個人覺得有罩燈座會令爬箱濕度拉低, 特別冬天要考慮用加濕器補濕.

但UVB節能燈就要用有燈罩嘅座,龜龜吸收效果會好D.

kailunlun

建議：
1）爬箱拆左前面兩塊玻璃，其實通風過木箱。
2）5.0uvb對陸龜冇乜功效，買zoomed 10.0 26w。
3) 水碟買梯級個隻會好d，大個d，佢自己可以入去浸水。
4）用沙做底材太乾，可改用樹皮/木碎/泥/紅土/舉木
5）餵食盤其實唔買都得，是但搵個膠蓋用完洗仲方便。
6）幼龜多數唔食z糧，m糧較佳。
7）養豹龜保健藥物bac睇黎係必要
8）唔建議全部野買曬zoomed，因為各牌子各有自己既專長，例如power sun 買megaray較佳，溫度計買電子有探頭為佳等等。

W.H.S

感謝你的回復!!

想請問如果唔買燈架同燈罩，咁應該可以買邊隻燈具可以用到UVB光管, uva膽，藍膽，同紅膽?

盤方面就要買餵食盤, 浸水盤, 同一個兜。想問如果係餵食盤，浸水盤和兜邊隻牌子質素會好少少(係現成可以係fishmanshop買到)

底材既係唔係以條保持低濕為主? 如果用木箱，其實保濕效果係唔係已經做到? 如果用維他命沙(保持乾度)和做型泥土做底材(泥土放係龜屋入面，沙就係主要活動區)。咁做既效果可唔可以?

謝謝!!

W.H.S

感謝你的回復!!

M糧既話，睇過成份好似冇蒲公英成份；而ZOO MED ZM-133沙漠型草粒陸龜糧係專為豹紋和餅乾龜配製，所以其實Z糧係唔適合既。但產品簡介話這陸龜糧專為豹紋和餅乾龜配製，可信成份高嗎?

冬天補濕既可以係箱內加盤清水嗎?

謝謝

W.H.S

感謝你的建議!!

1)如果唔用木箱，有邊隻牌子既爬箱會比較實用和化算
2)會轉買zoomed 10.0 26w UVB燈
3)ZOO MED RRB-11爬蟲專用斜盤 大 尼隻夠大嗎?
4)會改用其他底材，但可以用泥+沙做混合嗎? 因為D沙佢話有維他命 (感覺對隻龜會好)。如果用泥，木箱會否容易發霉?
5)好的,謝謝。清洗時是否用消毒噴劑清潔，之後風乾便可?
6)了解。
7)明白，一定會入手。如果係，係唔係每星期都要至少用消毒噴劑清潔清潔一次? 底材是否每次都要全換?
8)明白，因為唔多熟些品牌，所以唔知邊隻好用。如果用megaray，係唔係要直接向廠房購買?我見到網評這牌子的燈會易燒和要直接向廠房購買。

kailunlun

1)我用開6040 24吋
3)呢隻夠大
4)泥+沙就未聽過,不過呢D底材夏天都比較煩,會有蟲. 我自己養紅腿就用環保地毯+放濕
5)我隔日用洗潔精洗
7)底材約2星期全換
8)megaray香港代理係稀.鰭,好似得佢地做到一個月保用.
而價錢周圍都差唔多,算係公價.唯一阿澤有時會做8折85折可以問下

W.H.S

非常感謝!

kailunlun

呢個係我個setting, 可參考下