八個月時間

Kelvin1116

上年九月尾買咗隻星仔返嚟, 重66g 5.5cm底甲

日日浸水, 唔食糧, 淨食葉, 花咗成二個月, 搵咗唔同款嘅糧, 溝葉, 終於搵到隻糧佢食, 戒咗葉.

用咗一個月時間, 調理身體, 排清之前積聚嘅酸, 由一開始一篤篤好大篤嘅白色石仔 (酸), 到今日日日疴尿冇再排白。

試過吹波仔, 好擔心, 滴黑藥, 好彩二個星期好返

試過肚痾, 屎好臭, 好擔心, 戒食, 喂M藥, 二個星期好返, 教識咗我唔會再俾佢亂食屋苑平台花葉,

雖然, 佢到今時今日見我伸手去摸佢, 佢都會驚一驚宿一宿, 但都會俾我摸頭, 我覺得佢係識得我嘅, 可能成日諗"又係你呢條粉腸成日搞我"

雖然佢俾人哋嘅大得慢, 但到今日都健健康康, 希望佢快高長大, 唔好隆背, 唔好有病,

現在重 75g 5.7cm底甲

strongbaby

祝龜仔 快高長大

金金

印星大得好慢，想大而唔隆背實在好難囉！

陸龜

師兄我d星排酸都有你果種情况，請教可以用咩方法令佢排清d?可以教下小弟嗎?

雪米BE

加油呀!!

Kelvin1116

我都係第一次養, 唔知咁樣做係咪最好, 亦都唔知係咪有關係, 小小心得:
- 每日浸水, 30分鐘, 10分鐘換水一次, 暖水, 第二三次可以較熱少少 (熱少少好喇)
- 每次浸水都用牙刷掃底甲. (聽過有人話唔使次次掃, 不過我就覺得冇乜所謂)
- 戒食菜葉, 淨食糧, 因葉有葉酸 (我估), 試過一食返葉, 就會多返白色. 不過我會間中喂蕃茄, 紅蘿蔔 (好間中)
- keep 濕度, 我屋企環境不能太濕, 但都盡量keep, 75%以上, 再唔係我有時會係磚底材噴水, 再用燈曬, 亦會噴水係泥上, 泥事先放入微波爐殺菌, 再舖底材
- 有時間就曬太陽, 我冇時間, 所以通常一至二星期一次 每次曬完我會再浸一浸水, 當沖涼 同  俾佢飲水

小小心得, 希望幫到, 亦請其他師兄指教指教

陸龜

吾該哂師兄！我會試下。／