過冬器材總覽

jaysui · 发表于 2011-6-18 01:00:27

马上注册，结交更多爬友，享用更多功能，让你轻松玩转社区。

您需要登录才可以下载或查看，没有账号？立即注册

x

冬季將至，又係考驗各龜友，爬友既時侯啦近來經常見到好多人問有關過冬器材問題，因此做個總覽比大家參考，希望幫到大家。
燈膽類：講到保溫，發熱膽可以話係最廣泛為人使用既器材，大約分以下幾種。
紅膽 - 紅外線熱燈，由於紅光係唔會打擾到爬蟲既正常生活，所以係適合日與夜通用既燈膽，升溫能力非常優秀，屬於集中式加熱型燈膽，由於升溫力集中，如使用較大爬箱的話有需要顧及冷熱點溫差會否過大呢個問題。紅膽用途好廣，由戶外放養，半放養，到室內爬箱飼養都好適合使用，而且價錢都唔貴。缺點方面就係，紅光雖然唔打擾爬蟲，但就會打擾到人，而且神主牌咁既顏色亦唔係人人接受到。

陶瓷膽 - 另一種升溫能力非常好既燈膽，如果紅膽係集中型，咁陶瓷膽就係擴散型加熱膽，熱力輸出穩定，雖然冇熱點，卻能令箱內溫度平均地提升，非常適合爬箱及木箱使用。更因為陶瓷膽只會發熱唔會發光，所以無論人或爬蟲都唔會被影響。但針冇兩頭利，亦因為擴散輸出熱力，如果飼養環境係好開揚既地方(例如：放養，半放養等.. )，就會因熱力唔夠集中而令升溫力大減，而且佢唔會發光，會好易令人失去戒心，誤以為係未開既情況下觸摸燈膽而被灼傷。

藍膽 - 其實藍膽嚴格上唔能夠稱為過冬器材，因為佢既升溫能力接近零。但因為近排見有唔少龜友提出過問有關使用藍膽過冬既問題，所以特別響度加上藍膽既介紹。藍膽係晚上使用既燈膽，主要係給爬蟲營做月光既感覺，由於只係模擬熱帶地區晚上既溫度，所以產生既熱量好少，係絕對不能用作過冬保溫之用。p.s. 雖然放出既熱量好少，但支燈膽本身都係好熱既，小心會灼傷。

升溫器材： - 除左燈膽，其實還有令外一些升溫用既器材，但當中並唔係每樣都適合所有爬蟲的。加熱墊 - 放於爬箱底下，直接於爬箱底部加熱的器材，主要係模擬沙漠中被太陽加熱既地面，適合蛇類，蜥蜴類使用。

p.s. 個人唔建議給陸龜使用加熱墊，首先對陸龜黎講地面升溫對佢地響保暖方面係冇幫助既(下圖說明得好清楚)，陸龜係要吸入溫暖既空氣才能升溫的。再者，陸龜(由其幼龜)長期處於高溫既地面的話係好易令佢脫水的。

加熱石 - 模擬被太陽晒熱左既石頭，放於爬箱內，適合蛇類及蜥蜴類使用。

加熱山洞 - 給爬蟲制做一個恆溫既山洞，加熱時洞內唔會有熱點，可令爬蟲長時間留在洞內且不會被灼傷，適合蛇類，蜥蜴類，陸龜類使用。

暖管 - 放於水中使用，令水恆溫既器材，適合所有水龜及熱帶魚之用。

其他輔助器材：雖然唔係直接加溫，但過冬冇左佢都幾頭痕 ~ 溫控器 - 主人總唔能夠24小時都陪你既龜龜過冬，溫度幾時過熱幾時會過凍大家都唔能預知，有左電子溫控就一勞永逸啦。想要幾暖就有幾暖 ~

希望各位用心選擇適合你既器材面對黎緊既冬季，但請緊記幾好既器材都絕對不及飼養者既用心及愛心有用！！
copyright 2010 by jaysui

Kin_wai · 发表于 2011-6-18 11:51:44

買個100w陶瓷膽+溫控夠唔夠用成個冬天,?個箱80*45*45

jaysui · 发表于 2011-6-18 21:09:42

個人經驗就唔夠，150W好D

clever0boy86 · 发表于 2011-6-18 21:15:20

回復 jaysui 的帖子

師兄，

請問邊隻溫控掣好及去邊度買會平呢？？

謝謝！！

jimmybyc · 发表于 2011-6-20 15:46:07

好掛住呢個post

jaysui · 发表于 2011-6-20 17:28:37

多謝支持 ~

siukiubabi · 发表于 2011-7-5 11:32:08

ching...請問用左暖管仲需唔需要用暖燈架.....?

jaysui · 发表于 2011-7-5 12:05:37

都要架，燈for隻龜上陸地時用

siukiubabi · 发表于 2011-7-5 12:26:31

oh...明白...咁係唔係基本上有呢2樣野就可以過冬天架喇..!?

我有支暖管買左..但個牌子好似唔係咁好...想問應該用咩牌子既暖管同暖燈會比較有保證d架...

ManManLi · 发表于 2011-7-5 12:37:07

我成日驚d暖管太熱熱親 d龜 -0-

		自动登录	找回密码
密码			立即注册

過冬器材總覽

马上注册，结交更多爬友，享用更多功能，让你轻松玩转社区。

浏览过的版块