[養龜半年] 幾種陸龜底材 用後感

strongbaby

以下純粹個人感受 ，非客觀、專業評述

半年前 岩岩養陸龜 設置是咁的

養陸龜前 成日睇POST同文章都話粟米砂 容易塞腸 所以無考慮到
所以就買左 除左栗米砂以外 ，最普遍係金魚街見到既底材

ZOOMED 樹皮
視覺:係幾靚 睇落好自然 同陸龜既外貌非常相襯
味度:樹皮本身有陣味 不過都可以接受到 , 幾自然，但經過一星期大小二便既洗禮 成間房充斥住樹皮味 大小二便既味
清潔:腸胃正常既情況下 大便都尚算好清潔 小便 就非常非常難清潔 只能夠用紙巾吸走啲尿尿

同一個箱 另一邊我用玻璃 而唔用底材
視覺:如果好似我咁 無造景 係非常單調
味度:由於無任何 底材 D龜龜一痾 係UVA照射下 D屎入面水份立即蒸發 屎味就隨著水份 遍佈成間房
        不過一執完臭臭 味道就完全消失 唔似有底材執完都會臭
清潔:啲龜龜 痾完 會踩到周圍都係屎跡  ,痾尿尿仲慘 流哂落玻璃底 你隻手一舉起塊玻璃 啲尿就會滴滴滴滴滴滴滴滴.........

樓上雅座 毛顫 簡直係惡夢
視覺:睇落軟綿綿 好可愛既環境
味度:龜龜一痾 有熱力環境下 D屎入面水份立即蒸發 屎味就隨著水份 又遍佈成間房;
        另一方面,塊顫會吸哂啲尿 所以有陣尿尿味
清潔:令隔幾時就要拎出黎洗 仲要等乾 都幾麻煩

癲癲地 走去超級市場買左包紙貓砂 溝埋落紅樹皮度

點解會有哩個諗法呢 主要係想解決紅樹皮 清潔尿尿難哩個問題
視覺:睇落怪怪地 都幾特別
味度:慘無人道 仲臭過得紅樹皮  哩個組合 用左唔夠一個星期就放棄左
清潔:尚算可以 比較難發現細粒既便便

由於頂唔順上面提及既組合 倒哂D混合物 只係放紙貓砂
視覺:感覺好乾淨，白雪雪 有便便一眼就會睇到
味度:終於發現混合底材(紅樹皮+紙貓砂)點解會咁臭 啲紙貓砂真係好吸味
        用左一個星期已經好臭!
        吸到D屎尿味既貓砂 就好似抹完PATPAT既紙巾 係度用UVA哂乾 靠近少少臭到一個臨界點
清潔:大小二便都好好清潔 唯獨係隔一兩個星期就要'西'下啲屎份

終於 終於可以試下金金介紹既貓砂
用過紙貓砂後 對哩隻貓砂 本身既信心不太大 點解又會咁想轉呢?!
主要係某日 係去龜仔樂園見到佢有一個龜箱用哩隻貓砂
效果非常唔錯
(無聊題外話,當日有個靚女客人係度睇龜龜 )
只有3日既賽後報告
視覺:視覺上就無白貓砂咁靚 而且啲色比較接近便便 要刻意去留意下 有無污糟野 但整體黎講 都叫整整齊齊
味度:比任何一隻都理想 UVA 開住 都完全無屎味  
清潔:同上述貓砂一樣，大小二便都好好清潔 唯獨係隔一兩個星期就要'西'下D屎粉

Krauss

最尾既紙貓砂最好用..用左多年未轉過

strongbaby

睇個樣都似係

金金

http://www.hkturtle.org/forum.php?mod=viewthread&tid=77392
我以前用e 隻，係我用過咁多種底材中最好一隻，可是龜龜日慚長大，越來越重，將底材壓碎變粉塵，所以先換紙砂。如果龜龜唔係重身及唔需要高濕飼養，可試試！

nirvana

想問大種亀應該用咩底材?

strongbaby

Thank you 金金
大龜 試下用最下面果隻 個效果幾好架

ttam

我就用松木沙。吸味好好。起碼無尿味。有屎執左就ok。 我用個隻遇水變木粉。so far 用左成年都ok。 龜唔會食。但頭幾日會乾啲。但我有加濕都ok。。大家可試試。

當成個箱變哂粉就換哂佢或換一半等龜慢慢適應。 35lb一大包。 APE 包送貨就 240到。 一般寵物店 最平190都見過。有啲包送添。佢有大包細包。我有養貓所以買一大包用。

總之松木沙一粒粒。遇水會變粉個隻。因有一款遇水會結一舊舊。。。 有人話木沙唔好。 但我諗幾害取其輕。 起碼無味無水無蚊滋。衞生乾爽。對大家都好。。。以上謹供參考。。。。

Ray_Shaw

我都係新手。我的感覺係
以上係用人嘅角度來研究底材：
1.屎尿味（對家居影響）
2.易清潔度（實際操作）

我諗可以加入龜嘅生存條件來考慮。

Ray_Shaw

爬文之後，覺得底材通常用來提供以下條件：
1.濕度
2.burrowing (部分與（1）有關，所謂微生態；另外有時龜需要黑暗）
3.grip （足夠㧓力俾龜行，個殼應該離地，否則影響腳發育）

如果底材不能滿足要求，就要另覓方法，或提供類似嘅替代。

strongbaby

其實養定左既龜龜好難會瓜柴